वर्धमान सांस्कृतिक मंच

छत्रपती संभाजी नगर परिसरातील आर्थिक क्षेत्रातील नावाजलेली संस्था, केवळ आर्थिक विश्वात न रमता सामाजिक, सांस्कृतिक, शैक्षणिक क्षेत्रात देखील आपले नाव गाजवणारी संस्था, आपल्या शिस्तबध्द, कार्यकुशल आणि कार्यतत्पर कर्मचारी वर्गाच्या मदतीने अनेक स्तरावर यशस्वी वाटचाल करणारी एक स्वयंभू संस्था. या यशावर भाळून जावे असे कर्तृत्व, यशाचे गमक जाणून घ्यावे अशी उत्कंठा निर्माण करणारी "वर्धमान" ही संस्था. कोट्यावधीच्या कौतुकाची थाप आणि तितक्याच गरजवंतांचा आर्शिवाद मिळवत समाधानी वृत्तीने अनेक शिखर काबीज करीत निघालेली ही संस्था अनेकांच्या गळ्यातील ताईत ठरत आहे. डॉ. शांतीलाल सिंगी या ध्येयवेड्या अध्यक्षांच्या पाठीशी आहेत त्यांचे हितचिंतक मित्र, संस्थेचे सदस्य व कर्मसिध्द कर्मचारी.